احدث الامثال الشعبيه

إن شفنا فيل من غير زلومة يبقى نصدق كلام الحكومة



قال ليه انتا إرهابي يا ديك
قالـله يا تعلب كلني وبلاش تلاكيك


وليه الدمعة دي يا عم جمعة
قال مجموعه ما يدخلوش إلا كوبري الجامعة


إيه وزك ع الحرام يا خلوصي ,
قال خمسة وعشرين مدرس خصوصي


بعد الفرحة بالبكالوريوس والزهوة
جت الوظيفة قعدة ع القهوة


أعمل إيه فيكي يا بصلة وانتي مسيلة الدمعة
وأعمل فيك إيه ياوزير وانتا أبو لمعة


إن كان دولار يا ولية زغرتي وإن كان جنيه غطيني وصوتي






في العشق تتدلع وتتهشتك وفي الجواز أخرتك كيس بلاستيك


قال يابا علمني الغباوة , قال تزرع البرسيم للحمار
وتشتري رغيفك بالدولار


قال مالك تعبان ياوزير , قال
شامم ريحة تغيير



الجعان يحلم بطابور العيش


إن تاه منك الحمار حتلاقيه معلق عند الجزار


كل بلوى تهون إلا إعلانات التلفزيون


ما تفوتش على عدوك بطبق فول فوت عليه بالمحمول


قال الفقر راح من حدانا قالوا لازم أبوكم طال الحصانة



سكتناله دخل بحماره ..... قال يبقى سيد قراره



قالوا للجوهري لا لوم ولا عتاب
قال جتنا نيلة في حظنا الهباب



برة ديون وجوه ديون والحالة مدحدرة والداء هو الداء يا غاوي الفشخرة



يا داخل الوزارة حلو ولك طلة
يا خارج م الوزارة تنكسر وراك قلة



عظيم وذكي ولماح وصاحب
فراسة لحد ما ينشال عنه كشك الحراسة


إيه اللي نفخ دماغك كده يا عبد الحي , قال
كنت بكبر دماغي مع رئيس الحي